ខេត្តប៉ៃលិន ៖ មានករណីកម្មករសំណង់ នាំគ្នាតវ៉ានៅមុខក្រុមហ៊ុនចិន (ឆៃ សីុន) ដែលពុំបានបើកប្រាក់ខែជូនពួកគាត់អស់យៈពេលមួយខែមកហើយ ដោយកម្មករទាំងនោះមានចំនួន២០០នាក់ ក្នុងនោះមានស្រីចំនួន៤០នាក់ សរុបទឹកប្រាក់ប្រហែល(ជាងដប់ម៉ឺនដុល្លារ) ។ លុះមេការក្រុមហ៊ុនអត់បើកប្រាក់ខែបាននាំគ្នាតវ៉ាផ្អើលតែម្តង ។ ហេតុការណ៍កម្មករនាំគ្នាតវ៉ានេះ បានកើតឡើងកាលពីវេលាម៉ោង១០ និង៤៥នាទីព្រឹកថ្ងៃទី១២ ខែមិថុនា នីចំណុចសណ្ឋាគារកាស៊ីណូទើបនឹងសាងសង់ថ្មី ក្នុងភូមិផ្សារព្រំជើង ឃុំស្ទឹងកាច់ ស្រុកសាលាក្រៅ ខេត្តប៉ៃលិន ។
ប្រភពឱ្យដឹងទៀតថា ក្រោយពីកម្មករកម្មការិនី នៅគ្នាធ្វើការសាងសង់កាស៊ីណីខាងលើ អស់រយៈពេលជាច្រើនខែ ដោយមេការបើកប្រាក់កម្រៃជូនពួកគាត់ទៀងទាត់ជាធម្មតា ។ លុះដល់ខែចុងក្រោយនេះ ស្រាប់តែអត់បើកប្រាក់កម្រៃជូន បណ្តាលឱ្យខ្វះខាតប្រាក់ទិញម្ហូបអាហារនាំគ្នាតវ៉ា បណ្តាលឱ្យមានការផ្អើលឆោឡោតែម្តង ។
ប្រភពបន្តទៀតថា ក្នុងចំណោមកម្មករជាង២០០នាក់ កម្មករដែលហ៊ានចូលទៅតវ៉ា គឺមានគ្នាតែចំនួន៤០នាក់ប៉ុណ្ណោះ ក្នុងនោះស្រី០៨នាក់ ។ ប្រភពព័ត៌មានពីលោក មាឃ រ៉ន អធិការនគរបាលស្រុកសាលាក្រៅដែលទើបនឹងឡើងថ្មី បានឱ្យដឹងថា រហូតដល់វេលាម៉ោង២ និង៤៥នាទីរសៀល ភាគីទាំងសងខាងបានធ្វើកិច្ចព្រមព្រៀងបញ្ចប់រឿង ដោយភាគីខាងក្រុមហ៊ុនចិន (ឆៃស៊ីន) សុំធ្វើកិច្ចសន្យាថា នឹងបើកប្រាក់កម្រៃទៅអោយកម្មករទាំងអស់នោះនៅចន្លោះថ្ងៃទី១៥ និង ថ្ងៃទី១៦ ខែមិថុនា ឆ្នាំ២០២០ ខាងមុខនេះ ហើយនាំគ្នាត្រឡប់ទៅផ្ទះរៀៗខ្លួន ។
